Name Ya Own Super Power

Image source : Wikihow

Once again Naija people, that time done come again for we to play dat game wey dem dey call “NAME YA SUPER POWER”…


Stay with me; His Excellency, General muhammad Buhari give him own super power name during election campaign  for 2014/2015: “KWARAPSHUN DESTROYER” na so him baptize am.

Image source : Wikihow


The Honorable Vice President, Prof Yemi Osibanjo rightly declare (so as not to fall hand) him own super power at the same time… him call am “IMMUNIZED SCHOOL SHIDREN FEEDER AND ALLOWEE DISTRIBUTOR”.


Senate president, Honorable Bukola Saraki,  decide say no ba am go remain for bench when whistle blow,  so shaperly him rush proclaim himself “NATIONAL ASSEMBLY BUDGET DISCLOSURER”


Another Honorable, the Speaker of the House of Representatives, Hon. Yakubu Dogara done look see say everybody done dey remix their papa name, plus since e be say nothing wey politicians like pass cheap publicity, immediately he took it upon himself to constantly assure all wavering Nigerians that his party APC will deliver, hence securing his super power: “THE ASSURER”


Since then, e be like say all man don dey follow these our oga at the top dem their footsteps.


Solomon Dalung, the Honorable Minister of Sports wey no gree prepare our female footballers’ dem allowee hold for hand because him say him never expect say dem go carry cup for AWCON come become: “THE UNEXPECTER”


Senator Dino Melaye no waste time join this awoof popularity galore with him own super power: “THE SALARY SLASHER” even though him still dey smile go bank him abominable paycheck… After all, he’s only human; albeit a well loaded one, the guy done promise to continue to advocate for salary cut for him and hin Honorable colleagues for the betterment of the common man.


Honorables Mohammed Garba Gilolo, Samuel Igbon and Mark Gbillah together decide to join their forces and fit to adopt the super power of “CLEANERS OF CLEANERS”… this na after a short visit to the US of Americana done overwhelm with inspiration.


Make e no be like say na me carry last, I done chose to dey wahala all these politricksters and their big big lie plus including any fake person wey chose to show hin fakeness for our public space by introducing my own small but mighty super power: THE CRAPPER!


Na me be that that nigger wey dey ‘occupy him parlour’ with gru-gru for one hand and Tv remote for the other hand, all day long dey change channel wen NEPA gree am watch Tv with constant shouting and wahalaing like this one: “YEKPA! THIS YEYE PEOPLE NO GO KILL PERSON FOR WE COUNTRY”… Na so, anytime wen I hear another politrickster begin blow lie like Lai Mohammed a.k.a “ZUGA” I promise to use my super powers and do wetin oyiba dey call “crap on ya parade”…


Therefore, evil people beware! We Naija people done dey shine our eye pass before…



Related posts

Leave a Comment

This site uses Akismet to reduce spam. Learn how your comment data is processed.